إمتي نقدر نقول إن ده مشروع عقاري ناجح ومتكامل؟!
ده أهم سؤال في عالم المشروعات العقارية، سؤال بيتكرر كتير في عقل المشترى والمستثمر، بس دايما الإجابات عنه بتتوه وسط شعارات تسويق زى الأضخم، والأكبر، والأجمل.. وكل ده مهم صحيح ولكنه مش كافى عشان نقول إن ده مشروع عقارى ناجح ومتكامل وعظيم وبيحقق الإستفادة الكاملة للمشترى بشكل شخصى وللمجتمع بشكل عام ..
- Advertisement -
الحقيقة إنه علشان نقول ده مشروع عقارى عظيم وناجح لازم نبص على الصورة الكاملة للمشروع، لازم نركز مع كل خطوة، التصور، الرؤية، المتخصصين والشركات اللى بيشتغلوا في المشروع .. والأهم دايما هو بيت الخبرة اللى بيراجع خطوات تنفيذ المشروع..
إحنا في شركة النيل بنقدر العلم، وبنحسب كل خطوة صح عشان عاوزين دايما عملائنا مش بس يحسوا بالرضا لكن كمان يطمنوا إن كل حاجة مدروسة بفكر وعلم أو بالبلدي “زي ما الكتاب بيقول”..
عشان كده إحنا في شركة النيل لم نتأخر إننا ناخد أهم خطوة في عالم المشروعات العقارية اللى بتضمن تنفيذ مشروع عظيم ومتكامل وناجح .. وهو الإستعانة ببيوت الخبرة الكبرى لمراجعة كل خطوة في المشروع ..
لهذا نعلن بفخر عن تعاقدنا مع أحد أهم وأعرق بيوت الخبرة الهندسية في مصر والشرق الأوسط .. مكتب محرم باخوم للإستشارات الهندسية
( ACE CONSULTING ENGINEERS)
فخورين إننا أول شركة بتنفذ ناطحات سحاب ومشروعات عقارية كبرى بتاخد الخطوة دي وتستعين ببيت خبرة مشهود له بالكفاءة ويملك سابقة أعمال تجعله الأكبر والأهم في المنطقة كلها..
فخورين بهذه الخطوة لأنه في الوقت اللى السوق العقارى المصرى في أغلب شركاته لا يلجأ لهذه الخطوة بسبب تكلفتها الكبيرة .. لكن إحنا قررنا إنه مش مهم التكلفة .. المهم نشتغل صح، المهم الجودة، المهم تقديم مشروع عالمى على أرض مصرية .
إختيارنا لكيان كبير مشهود له بالكفاءة والنجاح زي محرم باخوم لإنه بيت الخبرة الأكبر والأكثر عراقة في المنطقة .. هو رقم واحد في عالم بيوت الخبرة الهندسية متعددة التخصصات بخبرة تزيد عن 50 عاما وسابقة أعمال لمئات المشاريع الضخمة في أكثر من 30 دولة أهمها مبنى وزارة الخارجية المصرية ومشروع جبل عمر في السعودية وأبراج العلمين والمتحف المصرى الكبير.. وغيرها من المشروعات .
مراسم التعاقد تمت بحضور ممثلي الشركة الأستاذ الدكتور إبراهيم محرم رئيس مجلس الإدارة، والدكتور مصطفى محرم المدير التنفيذي ..
لهذا كان لابد أن نعلن عن هذه الخطوة المهمة والفريدة في عالم المشروعات العقارية داخل مصر وخارجها، كى تكون هديتنا الأولى والبشرى السارة لكافة عملاء مشروع 31north..
في Nile Developments.. نسعى بالعلم والإتقان لتحقيق الجودة الكاملة.
رئيس مجلس إدارة شركة النيل للتطوير العقاري