كبرنا تاني
..ومقرنا في “معمار الأشراف” كبر من جديد ونقلنا من تاني لمكان أكبر.. ومن جديد ربنا كافئنا على تعبنا وشقانا وادانا على قد مجهودنا وزيادة كمان من عنده فضل ونعمة من رب كريم..
كبرنا تاني وشركتنا اللي ابتدت من مكان صغير ، أوضة وصالة في مدينة نصر ، بقت النهاردة مبنى كامل من بابه هو مقر “معمار الأشراف”.. ونقلنا وبقينا فى قطعه M4 القطاع الثاني من شارع التسعين الجنوبي ، أمام مبني الجهاز الجديد..
- Advertisement -
كبرنا لأننا حلمنا إننا نكبر.. علشان كده أنا مش شايف قدامي مبنى من طوب وزلط ورمل، أنا شايف “أحلام” فوق “أحلام”، و”أماني” فوق “أماني”، وخليط من جهد وعرق وصبر وتحمل.. شايف في الخليط ده أوقات صعبة وخسارة وبرضه أوقات حلوة ومكسب.. شايف فيه أعصاب بتفلت وليالي ما بيجيش للواحد فيها نوم.. وشايف برضه فرحة وسعادة..
شايف في المبنى صور رفاق الرحلة.. من أصغر عامل لأكبر مدير، ناس لسه مكملين معانا وناس هيفضلوا مؤثرين ، شايف صور ناس بفتكرهم بمحبة صافية والنفوس السوية، والضحكة من القلب، والخوف على الشغل..
إحنا كبرنا.. بس لسه أحلامنا ما خلصتش.. لسه عندنا أحلام تانية كتير.. وأمل كبير.. وثقة ورجاء في فضل وكرم ربنا ونعمته علينا.. لسه عندنا أحلام هنحققها.. وأنا واثق فى ده عشان واثق في ربنا وفي كل فرد في فريق كبير جدًا ، أقوى فريق ،
فريق معمار الأشراف
