.
إللي متابع إللي بيحصل في السوق العقاري وخاصه الساحل الشمالي و الأراضي هناك…هيلاقي آخر ٥ أيام قرارات خطيره وقويه جدا أول مره تحصل
زي سحب أراضي ووقف تعامل ورسوم تحسين علي المشروعات القديمه والجديده و إنذارات السحب لاكتر من ١٢٣ شركه عندها وارضي في الساحل وده رقم ضخم جدا لمنطقه أصلا عدد الأراضي فيها بيخلص ومش هيبقي موجود زيه تآني.
- Advertisement -
طيب خلينا نبدأ من الأول كده خط الساحل كله القديم بالجديد لحد مطروح حوالي ٣٠٠ كيلو.علي البحر.
وكان منهم صفقة رأس الحكمه إللي لوحدها أخدت ١٠ %أو آكتر من الواجهه الشاطئية للساحل.وزود بردو مدينه العلمين الوجهه الشاطءيه بتاعتها آكتر من ١٥ كيلو…ده غير الصفقات إللي لسه بتتم في حاجات زي رأس الحكمه زي مدينه علم الروم وداخل مدينه العلمين
ولما نعرف إن الساحل كان فيه عدد مصيفين السنه إللي فاتت آكتر من ١٣ مليون وإن عدد الاجانب في الساحل بيزيد كل سنه عن إللي قبلها.
لما تحط المعطيات كدوله بقي.وتلاقي الطلب علي الساحل مرتفع من العميل المصري والأجنبي وابمستثمر المصري والأجنبي.
هتعمل إيه
طبعا قولا واحدا لازم تشوف إنت كدوله هتستفاد إيه من الbooming ده.
فبشويه بحث وتنقيب وتدوير هيءه المجتمعات لقت عندها شويه مشاكل مزمنه مترحله محدش بييجي جنبها.
زي أراضي الجمعيات في الساحل وأراضي الوقف ووضع اليد و الاقساط المتأخرة علي الأراضي.فقرروا بيدوا يتحركوا لأن بالبلدي كده دي مليارات مركونه تقدر الدوله تستفاد بيها.
وهنا نعرف ليه القرارات دي ابتدت تنزل.ولما نعرف كمان إن الدوله عاوزه تعيد تخطيط الساحل كله من اوله لأخره مع مكتب استشاري عالمي.
في رأيي القرارات دي مفيده للمطور إللي ماشي كويس ومعليهوش أي متاخرات ولا مشاكل قديمه يستفاد من مصداقيته مع عملائه وكمان مفيده للي عنده مشاكل إنه يندمج مع كيان عقاري كبير ويحلله مشاكله بسرعه وده حصل في كذا مشروع آخر ٣ سنين
وكمان مفيد للدولة علشان تحصر العشوائيه والمشاكل إللي في اغلب أراضي الساحل الكنز المهدور الغير مستغل حتي الان.
خبير عقاري و استشاري تطوير أعمال
التعليقات مغلقة.