بعد صفقة انهردة و مشروع راس الحكمة … عايز اقول بالبلدي ” ابتدينا نشم نفسنا تاني”… بعد طفرة التمويل من ٢٠١٢-٢٠٢١ شوفنا ٩ سنوات حاجة عظمة في الشركات الناشئة بصراحة … و خلق فرص عمل بالملايين بفضل الله و دعاية لمصر بلدنا رهيبة و تمثيل مهني محترم جدا جدا في العالم كله في مجالات زي التكنولوجيا المالية و التجارة الالكترونية و برامج الولاء و غيرهم…من ٩/٢٠٢٢ لحذ انهردة و سوق الشركات الناشئة ” بينكمش”… شركات كتير جدا بتقفل و كتير بتقلل حجم و كتير بتمشي من البلد… هقول شوية ارقام… اظن في حوالي ٦٠٠ شركة ناشئة في مصر تقريبا … الكسروا المليار دولار تقييم في اي نقطة اتنين يعني ١/٣٠٠ تقريبا … و الكسروا ال١٠٠ مليون دولار تقييم في اي وقت حوالي ٦ يعني ١/١٠٠ تقريبا دول مكملين حتي الأن الباقي كله في خطر لو مفيش تمويل سريع علشان معظمهم مش بيكسبوا لسة …في اخر مؤتمر كنت فيه الاسبوع الفات مسؤول مهم في اهم صندوق دولي قال “ان في ٢٢٠ مليون دولار جاهزين للضخ في سوق مصر للشركات الناشئة في مصر السنة دي منتطظرينً العملة تظبط” … و تظبط معناها سعر واحد للدولار في كل اشكاله… ال٢٢٠ مليون دولار دول حرفيا ينقذوا اكتر من ٢٠٠ شركة علي الاقل معظم الشركات محتاجة ١٠٠-٥٠٠ الف دولار السنة دي… صفقة انهردة خليت ناس تكلمنا بقالهم سنة او اكتر مكلموناش اصلا و في ناس رديت علي المكالمات مكنوش بيرودوا علينا… عايزين نستغل ال”momentum” الجميل دة و نكمل بقي الدولار نزل ١٠ جنيه من الصبح لدلوقتي في السوق السوداء … احنا متحركناش اخر ١٧ شهر بنسافر بس نسوق لشركات ناشئة مصرية و نرجع تاني… تعبنا بصراحة … صرفنا كتير جدا علشان بس نحافظ علي الموجود… انا شخصيا فلوسي الشخصية اتأثرت بنسبة ٩٠٪ علشان سندت قد ماقدرت الشركات التبعنا في ناس اختارت تخرج و كان عندها الرفاهية دي انا و معظم المجموعة المعاية دوسنا اكتر علشان نحافظ بس كدة كوادر و ناس كتير مشييت و صناديق نقلت وكيانات ” دهنت” نفسها بالاوان جديدة و منقدرش نلوم حد دة شغل… السوق بتاعنا “يلف لنمو ” بحاجتين هما سعر واحد للدولار و كام خبر تمويل كويس لشركات مصر… الكان بيلم فلوس اخر سنة كان بيخاف يعلن لا يتحسد او يتقال انه كداب … والله زي ما بقولكم كدة…و الاعلان في شغلنا نصف الشغلانة… اول مرة اتفائل كدة من ٩/٢٠٢٢ … السوق دة لو اخد نصف تمويل سنة ٢٠٢١ سنويا ٣ سنين بس هيبقي ٣/٤ اضعاف الحجم… الشباب كلها اتعلمت قيمة الفلوس و القرش و الصناديق المصرية اتطورت بشكل رهيب و المكملين عضمهم نشف اوي…هقول كلمة بايخة بس علشان بحب البلد دي و صادق في مجهودي ليها…نزلونا علي الارض و اتفرجوا هنعمل ايه… المصريين ملوك الشغل علي الارض و اعطم رواد اعمال في قطاعات كتير اوي و الله … في رواد اعمال مصريين عظماء كتير ركنوا و كتير ركزوا في الميديا علشان فاضيين و كتير اختاروا يبقوا ” نقيب الموسيقيين” مش ” مطربين” و مديرين صناديق رفضوا يلموا فلوس و لعيبة مسرعات اعمال نقولا بلاد تانية علشان مفيش تمويل و حاجات كتير مش حابب احكيها علشان منقلبش المواجع … احنا صنايعية و زي فريق الكرة لو ملعبناش بنعجز…وحشنا الملعب و سامع صوت الجمهور… رجعولنا سعر دولار واحد و براند كويس لسوقنا العظيم و هنمسك الكرة مش هنسيبها و هنشغل ملايين و نعمل احلي