ريهام حجاج تكتب عن منتقدي “عروس كفر الدوار “: سيبوا الناس في حالها.. بلاش خراب بيوت

هو ليه الناس علي السوشال ميديا بيستبيحوا سيرة الناس و يسعوا لخراب البيوت؟

عروسة بتتكلم مع جوزها في وجود عيلتها في كتب الكتاب (سواء الأسلوب عاجبك أو مش عاجبك) انت ليه اصلا تقول رأيك السلبي إللي ممكن يخرب بيتهم و تنشره علي انها بتهزئه و تحول فرحتهم لكابوس

- Advertisement -

و ممكن يكون في أحتمال نص في المية أن مش قصدها أو دي طريقتها في الكلام و اكيد هو عارف و بيتجوزها و حاببها زي ما هي؟!

تعرف ظروفهم منين؟ مواقفهم؟ عدوا بإيه سوي في الخطوبة!!
إيه إللي خلاها تقول كدا اصلا!!
دخليات الناس ماحدش يعرفها

حاتشيلوا ذنبهم و الله
دا إللي ربنا قال عليه في القرآن الكريم
من يفرق بين المرء و زوجته
أتقوا اللللللللللللللللللللللله
افهموا الفرق بين حرية الرأي و الأذية
افهموا الفرق بين اللي ممكن نتكلم فيه و اللي مالوش لازمة التدخل فيه من الأساس
ستحاسبوا أمام الله علي كل دا