تصدرت حلقة ياسمين عبد العزيز في برنامج صاحبة السعادة الذي تقدمه الإعلامية إسعاد يونس محركات البحث علي منصات التواصل الاجتماعي بعد أن كشفت ياسمين معلومات جديدة عن حياتها وعلاقتها بطليقها أحمد العوضي.
كشفت الفنانة ياسمين عبد العزيز عن تفاصيل أزمتها الصحية الأخيرة والتي كادت أن تودي بحياتها؛ مشيرة إلى أن السبب هو اتفاقها مع الفنان أحمد العوضي على الحمل
وقالت ياسمين عبد العزيز خلال لقاءها مع الإعلامية إسعاد يونس، في برنامجها صاحبة السعادة: السبب إن أنا كنت داخلة أعمل عملية علشان أشيل اكياس الدم من على المبايض علشان أحمل.. وكان اتفاقي مع أحمد العوضي إن بعد مسلسل اللي ملوش كبير هنحاول نخلف فدخلت العمليات وقتها حصلت المشكلة دي وكنت هموت فيها وربنا كتبلي عمر جديد”.
- Advertisement -
أضافت ياسمين: “بالنسبة لحب الناس ده ربنا، هو اللي سخر الناس إنها تدعيلي علشان ينقذني من حاجة أكتر كانت هتحصلي، ولحد النهاردة آثار المحنة دي مكملة معايا لحد دلوقتي مرحتش، وكل ما يحصل حاجة أو مشكلة أفوق نفسي وأقول ده أنا كنت بموت”.
وتابعت: “ده كان أكتر موقف صعب عليا قعدت 4 شهور في السرير وسافرت أنا وبنتي بس لوحدنا وأحمد وقتها كان عنده مشكلة في الفيزا فمعرفش يسافر معايا ولما سافرت عملت عمليتين.. والفترة دي خليتني أقرب جدًا من ربنا بقيت بحس إن في بينه وبيني حاجة وكنت أقعد أكلمه وحسيت إن هوا عايز يقولي إنك ملكيش غيري”.
وقالت ياسمين عبد العزيز خلال لقائها مع الإعلامية والفنانة إسعاد يونس عبر برنامجها صاحبة السعادة المذاع عبر فضائية دي إم سي: “أنا مش بحب أحمد العوضي بس أنا بعشقه معاه اكتشفت إن أنا محبتش قبل كده وبالنسبة ليا هو أول حب في حياتي، كنت فاكرة إن قبل كده حب لكن اكتشفت إن هو الحب الحقيقي”.
وأضافت ياسمين: “ربنا هو اللي ليه حكمة في اللي حصل وطلاقنا وعن نفسي عملت استخارة وصليت عمرة لكن دي إرادة ربنا في النهاية”.
تحدثت الفنانة ياسمين عبدالعزيز عن سبب انفصالها عن زوجها الفنان أحمد العوضي قائلة : بعيدا عن أن فيه بعض الأسباب مش متاح نتكلم فيها ، ومش خيانة اقسم بالله عشان فيه ناس مؤذية بتحب تأذي الناس بأي أشاعات تضأيقهم.
وردت قائلة: انا طول عمري متجوزة ، أنا ست حبيبة وبحب الحب ومبعرفش أبقي لوحدي مينفعش اكون سينجل بس اعمل اي فى قلبي.
وأضافت ياسمين: أنا مش هينفع أتكلم في تفاصيل والناس حبانا مع بعض وفى ناس حقودين وبيوقعوا لأنهم ما يعرفوش يعنى إيه حب، وجواهم كره وحقد للآخرين.
وأوضحت ياسمين عبدالعزيز أثناء حلولها ضيفة مع إسعاد يونس على قناة DMC حقيقة وجودها في سحور فى رمضان 2024 ورؤيتها لأحمد العوضي وقالت: انا وأحمد متقابلناش لأن كل واحد فينا جه فى وقت مختلف عن التاني.
وعندما سألتها إسعاد يونس لو رأته في أحدي الحفلات ماذا تفعل؟ وردت الفنانة:مش عارفة أنا بهرب طول الوقت وأفتح الفيسبوك ألاقى ناس منزلة صور وإحنا حاضنين بعض أو فيديوهات، والمشكلة إن الحاجات دى بتوجع وبتخلى الواحدة تفكر في اللى فات.
وعن علاقتها بالفنان أحمد العوضي قالت: أنا أحمد لما حبيته اكتشفت إن أنا ما كنتش بحب قبل كده هو أول وآخر حب في حياتي ، كان حب صادق بجد.
