جريدة اخبارية شاملة
أعلى الهيدر

رئيس التحرير طارق شلتوت

أحمد الباز يكتب ..حكايتي مع كوكسال بابا

0

- Advertisement -

للي مايعرفش كوكسال بابا ممكن تعرفه الاول من الفيديو ده
ثانيا الناس اللي بتحب تتكلم لمجرد انهم يبقي اسمهم اتكلموا … انا مستغربكم بجد اولا ده انسان من ذوي الاحتياجات الخاصه له شهره عالميه اللي عمال بيشتمه وكلام ليس له داعي عيب .
{ يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ } ماظنش حد يقدر يخلق ظافر من ظوافره حتي مش معني ان ربنا كرمك واكمل خلقتك انك تسخر من خلق الله .
اللي بينتقدني ويقول ماكنت شوفت الغلابه والفقراء !!
سؤال هو حضرتك كنت شوفت انا باعمل ايه ؟ ولا مفروض اوثق كل خير باعمله بفيديو وانشره لحضرتك وناس داخله تقول ماانا قولتلك ساعدني وانت ماساعدتنيش انا ماعرفش قولتلي دي كانت امتي الصراحه ولو رسايل خاصه انا بعتذر عن عدم قرايه الرسايل .
نرجع للخير اللي عاوزني اوثقه وانا واثق انه بردوا مش هايعجبك وهتتطلع تقولي الحسنه الخفيه وازاي تعمل خير وتنشره وتفضح الناس لان للاسف بنحب ننصب نفسنا حكام علي غيرنا وعلي تصرفات غيرنا وربنا يعلم مافي النفوس ومش محتاج ان اقول علي اللي بيني وبين ربي علشان ترضوا عني انا واثق برضا ربي عليا وكرمه عليا .
ولكن لو حاسبتوا انفسكم للأسف ماكنتش هتتطلع تكتب وتقول كلام لا قيمه له عندي انا رجل بحب شغلي وعملي وبتقي ربنا في عملي وليه خطه بمشي بيها بفضل ربنا فاهم عملي وبدرسه كويسه وبطوره اول باول وده سبب رئيسي لنجاحي بعد توفيق ربنا ليه مش فهلوه ولا اونطه ده توفيق من عند ربنا اولا ثم شقي وسعي واجتهاد .
ان الله لايضيع اجر من احسن عملا .
واخيرا
بشكر كل الناس اللي حبت كوكسال وزيارته لمصر وبشكر الدوله المصريه اللي فعلنا خلتنا حسينا بأمان نشكر ربنا عليه وكنت سعيد فعلا بالزياره اللي خليت ناس كتير تتطلع السواد اللي جواها .

رئيس مجلس إدارة مطاعم قصر الكبابجي

أترك رد

لن يتم نشر عنوان بريدك الإلكتروني.