سنه ٢٠٢٢ مثلت منصات التواصل الاجتماعي في اكبر ١٠ نوادي جماهيريه في العالم تقريبا ٢٠ ل ٢٥٪ من اجمالي الدخل .. من سنه ٢٠١٢ بدأت الانديه تشوف ان مستقبلا المنصات دي هتكون من اهم مصادر الدخل اللي هتقدر تقلل الفجوه الكبيره الموجوده وقتها بين العائد و المصروف علي نشاط كره القدم و اللي كانت الانديه مش هتقدر تستحمله لمده طويله و تطور الموضوع لاستغلال نجوم الفرق ك علامات تجاريه منفصله عن النادي عشان يُشكل دخل اضافي للنادي و للاعب نفسه .
رؤيه انتقال كريستيانو رونالدو للنادي النصر السعودي علي انهم ناس معاهم قرشين زياده مش عارفيين يصرفوهم في ايه جابو رونالدو علشان الشهره و علشان الجمهور يروح يتصور و الولاد الصغيرين يتبسطو هي رؤيه محدوده جدا من وجهه نظري
- Advertisement -
بعد انتقال رونالدو لنادي النصر حصل الاتي :
. البحث عن نادي النصر علي الانترنت زاد بنسبه ٩٩٠٠٪
.حساب نادي النصر علي تويتر زاد ٣٣٨ الف متابع
. حساب انستجرام زاد ٩ مليون متابع
.حساب فيس بوك زاد ١.٤ مليون متابع
.البحث عن Saudi Arabia ارتفع بعد اعلان التعاقد بنسبه ٢٤٥٪
. البحث عن saudito arabi زاد بنسبه ١٠٠٠٪ تقريبا
.قيمه العلامه التجاريه لنادي النصر في ارتفاع سريع جدا و جاري اعاده تقييمهاتمهيدا لخطوات مستقبليه تتعلق بطرح اسهم وخلافه
. مجموعه من الشركات و علامات تجاريه عالميه حاليا مهتمه بالحصول علي حقوق رعايه نادي النصر السعودي رغم عدم اهتمامهم تماما بسوق كره القدم في المنطقه لدرجه ان في منهم مؤسستين ملهومش تواجد اصلا في السعوديه و مع ذلك مهتمين جدا بالحصول علي حق الرعايه
.بتدرس شركه انتاج امريكيه انتاج فيلم وثائقي عن انتقال رونالدو للسعوديه وازاي انه رايح يكتشف شغف جديد في بلد عربي عندها طموح استضافه كاس العالم في يوم من الايام ب ميزانيه للنادي و للاعب يُقال انها هتغطي ٦٠٪ من قيمه انتقاله
الاستثمار الرياضي خريطته اتغيرت بعد كأس العالم في قطر و كمان بعد انتقال رونالدو للنصر السعودي