في شركات كتير، كلمة “إدارة الأداء” بتتفهم غلط. بعض المديرين لسه فاكرينها إنها ورقة تقييم سنوي بيتعمل عشان “الشكل” ويتحط في الدرج. وفي النهاية الموظف ياخد تقييم “جيد جدًا” والسلام.
طيب فين القيمة؟ فين الإنتاجية؟ فين الأرباح؟
ولا حاجة.
لكن الحقيقة إن إدارة الأداء السليمة مش رفاهية، دي واحدة من أهم الأدوات اللي بتحول الشركة من “شغالين بالعافية” إلى “شغالين بذكاء وبيكسبوا”.
- Advertisement -
ليه إدارة الأداء الصح مهمة؟
بتوضح الصورة:
الموظف يعرف هو مطلوب منه إيه بالظبط، بدل ما يفضل تايه زي GPS من غير شبكة.
بتربط المجهود بالهدف:
لما كل موظف يعرف إزاي شغله بيأثر على هدف الشركة الكبير، بيشتغل بحماس أكتر، لأنه مش بيحس نفسه ترس صغير مالوش قيمة.
بتكشف المواهب و اللي مطفيين المكن:
الإدارة الصح بتخليك تعرف مين اللي عنده potential يترقى ويبقى asset، ومين اللي جاي يشرب شاي ويوقّع حضور.
بتخلي الفريق يتعلم ويطور نفسه:
التقييم مش بس للحساب، لكنه وسيلة للمدير يساعد الموظف يتطور ويتعلم، بدل ما يفضل واقف مكانه ويقول “أنا كده تمام”.
طيب النتيجة إيه للشركة؟
إنتاجية أعلى (لأن الناس فاهمة بتعمل إيه).
ربحية أكبر (لأن الجهد بيتوظف صح).
سمعة أحسن (لأن عندك فريق منظم وبيشتغل بمستوى عالمي).
والسر كله في إيه؟
في إن إدارة الأداء مش مجرد “تقييم آخر السنة”، لكنها عملية مستمرة طول السنة: متابعة، ملاحظات، كوتشينج، تطوير، وتحفيز.
يعني زي العلاقة الصحية… مش هتنجح لو اتكلمتوا مرة واحدة في السنة
رامي مجدي ..مدير وإستشارى موارد بشرية
التعليقات مغلقة.