في بدياتي في الاعلام كنت اعمل كمراسل في استديوهات ART وكان استديو عملاق للعديد من البرامج المتميزه وكان الاستاذ بيخرج برامج في مسرح سينما ريفولي وكنت اسمع عنه من خلال برنامج ساعة صفا وقبل ان تحاسبوا ولا تذهب هذا المساء للفنان خالد النبوي …
جاتلي فرصه اروح احضر التصوير في مسرح ريفولي وبعد التصوير اتقابلنا واتعرفت عليه وكان بشوش ومحترم جدااا في استقبالي واخدت نصايح منه في بدايه حياتي الاعلاميه افتكرها لحد النهارده وكل ده في اول مقابله …
تاني مقابله كلمته سالته انت فين قالي بتعشي مع خالد النبوي في المهندسين وقالي تعال اقعد معانا رحبت بالفكره جدااا ومكنتش متخيل اننا بقينا صحاب كده روحت واقعدت واحسن استقبال منه ومن الاستاذ خالد النبوي .. اتعشمت انا بزياده وقولتله انا عازمك علي الغدا عندنا في بيتنا في المعادي وقولت لنفسي اكيد هيرفض علشان مايعرفنيش كويس وكمان مشغول جداا وانا بيني وبين نفسي عايز اتفشخر قدام امي وعائلتي اني اعرف مخرج كبير في بدايه حياتي وكانت المفاجئة ان الاستاذ وافق علي الدعوة مش كده وبس وكمان قالي هجيب خالد البوي معايا وانا مش مصدق اصلا وكمان طموحي زاد قوي يعني اعزم عمر زهران يجيب معاه كمان خالد النبوي دي هتبقي فشخره للصبح قدام اهل المعادي كلها …
وبالفعل تاني يوم لقيت الاساتذه عمر زهران وخالد النبوي علي باب الشقه مع هديه جميله وامي وعائلتي استقبلناه احسن استقبال وكان اسعد يوم في حياتي وضحك وهزار ولا كانهم يعرفوني من زمااان واستغربت ان في ناس جميله كده بتجبر بخاطر انسان في بدياته ومن ساعتها اصبحنا اصدقاء جداااا
انا بحكي القصه دي الي ممكن ماتهمش ناس كتير علشان اقول حاجه مهمه جداااا ان الانسان الي زي عمر زهران عمره مايفكر يخون صداقه او يمد ايده لاي حاجه لانه باختصار انسان متربي كويس جدااا وشبعان ومن بيت اصول يعرف يعني احترام وامانه وصفات كتير جدااا معظمكم عارفينها عنه ..
ربنا يحميك ياعمر ودي ضريبه الاخلاق والنجاح والاصل الطيب ..
عمر زهران من بيت اصيل ولو عايزيين تعرفوا المتهم الحقيقي (علي الاصل دور)
التعليقات مغلقة.